Navarasamuladee Nalinaakshi (Annamayya Keerthana) – Telugu Lyrics (Text)
Annamayya Keerthanas Navarasamuladee Nalinaakshi – Telugu Script
రచన: అన్నమాచార్య
నవరసములదీ నళినాక్షి |
జవకట్టి నీకు జవి సేసీని ||
శృంగార రసము చెలియ మొకంబున |
సంగతి వీరరసము గోళ్ళ |
రంగగు కరుణరసము పెదవులను |
అంగపు గుచముల నద్భుత రసము ||
చెలి హాస్యరసము చెలవుల నిండీ |
పలుచని నడుమున భయరసము |
కలికి వాడుగన్నుల భీభత్సము |
అల బొమ జంకెనల నదె రౌద్రంబు ||
రతి మరపుల శాంతరసంబదె |
అతి మోహము పదియవరసము |
ఇత్వుగ శ్రీవేంకటేశ కూడితివి |
సతమై యీపెకు సంతోస రసము ||
No comments:
Post a Comment