Kolichina Vaarala (Annamayya Keerthana) - Telugu Lyrics (Text)
Annamayya Keerthanas Kolichina Vaarala - Telugu Script
రచన: అన్నమాచార్య
కొలిచిన వారల కొంగుపైడితడు |
బలిమి తారక బ్రహ్మమీతడు ||
ఇనవంశాంబుధి నెగసిన తేజము |
ఘనయఙ్ఞంబుల గల ఫలము |
మనుజరూపమున మనియెడి బ్రహ్మము |
నినువుల రఘుకుల నిధానమీతడు ||
పరమాన్నములోపలి సారపుజవి |
పరగినదివిజుల భయహరము |
మరిగినసీతా మంగళసూత్రము |
ధరలో రామావతారంబితడు ||
చకితదానవుల సంహారచక్రము |
సకల వనచరుల జయకరము |
వికసితమగు శ్రీవేంకట నిలయము |
ప్రకటిత దశరథ భాగ్యంబితడు ||
No comments:
Post a Comment