Gaaline Poya (Annamayya Keerthana) - Telugu Lyrics (Text)
Annamayya Keerthanas Gaaline Poya - Telugu Script
రచన: అన్నమాచార్య
గాలినే పోయ గలకాలము
తాలిమికి గొంతయు బొద్దులేదు ||
అడుసు చొరనే పట్టె నటునిటు గాళ్ళు
గుడుగుకొననే పట్టె గలకాలము |
ఒడలికి జీవుని కొడయడైనహరి
దడవగా గొంతయు బొద్దులేదు ||
కలచి చిందనే పట్టె గడవగ నించగ బట్టె కలుషదేహపుబాధ గలకాలము |
తలపోసి తనపాలి దైవమైన హరి
దలచగా గొంతయు బొద్దులేదు |
శిరము ముడువబట్టె చిక్కుదియ్యగ బట్టె
గరిమల గపటాల గలకాలము |
తిరువేంకటగిరి దేవుడైనహరి
దరిచేరా గొంతయు బొద్దులేదు ||
No comments:
Post a Comment