Emoko Chigurutadharamuna (Annamayya Keerthana) - Telugu Lyrics (Text)
Annamayya Keerthanas Emoko Chigurutadharamuna - Telugu Script
రచన: అన్నమాచార్య
ఏమొకో చిగురుటధరమున ఎడనెడకస్తూరి నిండెను |
భామిని విభునకు వ్రాసిన పత్రిక కాదు కదా ||
కలికి చకోరాక్షికి కడకన్నులు కెంపైతోచిన |
చెలువంబిప్పుడిదేమో చింతింపరేచెలులు |
నలువున ప్రాణేశ్వరునిపై నాటినయాకొనచూపులు |
నిలువునపెరుకగనంటిన నెత్తురుకాదుకదా ||
పడతికి చనుగవమెరుగులు పైపై పయ్యెద వెలుపల |
కడుమించిన విధమేమో కనుగొనరే చెలులు |
వుడుగని వేడుకతో ప్రియుడొత్తిన నఖశశిరేఖలు |
వెడలగవేసవికాలపు వెన్నెలకాదుకదా ||
ముద్దియ చెక్కుల కెలకుల ముత్యపు జల్లుల చేర్పుల |
వొద్దికలాగులివేమో ఊహింపరే చెలులు |
గద్దరి తిరువేంకటపతి కొగిటియధరామృతముల |
అద్దిన సురతపు చెమటల అందము కాదు కదా ||
No comments:
Post a Comment