Jagadapu Chanuvula (Annamayya Keerthana) - Telugu Lyrics (Text)
Annamayya Keerthanas Jagadapu Chanuvula - Telugu Script
రచన: అన్నమాచార్య
జగడపు చనువుల జాజర
సగినల మంచపు జాజర ||
మొల్లలు తురుముల ముడిచిన బరువున
మొల్లపు సరసపు మురిపెమున |
జల్లన పుప్పొడి జారగ పతిపై చల్లే పతిపై
చల్లే రతివలు జాజర ||
భారపు కుచముల పైపై కడు సిం-
గారము నెరపేటి గంధవొడి |
చేరువ పతిపై చిందగ పడతులు
సారెకు చల్లేరు జాజర ||
బింకపు కూటమి పెనగేటి చెమటల
పంకపు పూతల పరిమళము |
వేంకటపతిపై వెలదులు నించేరు
సంకుమ దంబుల జాజర ||
No comments:
Post a Comment